Bakı. Aqşin Əliyev - APA-Sport. Noyabrın 25-də Yunanıstanın Komotini şəhərində tələbə ağırlıqqaldıranlar arasında ilk dünya çempionatı start götürəcək. “APA-Sport”un məlumatına görə, Azərbaycan qarşıdakı birincilikdə yalnız kişilərin yarışında təmsil olunacaq. Çempionatda ölkəmizin şərəfini 3 atlet qoruyacaq.

Bunlar Sərdar Həsənov (62 kq), Rövşən Fətullayev (94 kq) və Rolan Piriyevdir (+105 kq). İdmançılarımızı podiuma baş məşqçi Vahid Nəzərov çıxaracaq. Dünya çempionatına noyabrın 28-də yekun vurulacaq.