Bakı. Kənan Həsənov - APA-Sport. Türkiyə Superliqasının IV turu Azərbaycan voleybol həvəskarlarının diqqət mərkəzində olacaq. “APA-Sport”un məlumatına görə, noyabrın 2-də paytaxt Ankarada milli komandamızın üzvləri rəqib qismində üz-üzə gələcəklər.

Natalya Məmmədovanın şərəfini qoruduğu “Türk Telekom” Valeriya Korotenko və Oksana Parxomenkonun yer aldığı “Fənərbaxça Acibadem” klubunu qəbul edəcək.

Qeyd edək ki, üç turdan sonra hər iki komandanın hesabında 6 xal var. Superliqanın lideri isə 9 xala sahib olan “Beşiktaş” klubudur.