Bakı. Kənan Həsənov - APA-Sport. Barselona olimpiadasının qalibi, yunan-Roma güləşçisi Peter Farkaş azadlıqdan məhrum edilib. “APA-Sport”un məlumatına görə, 40 yaşlı macar idmançı narkotik maddələrin istehsalında və satışında təqsirli bilinib.

Məhkəmənin qərarına əsasən, 1992-ci ildə 82 kq çəki dərəcəsində olimpiya çempionu olan Farkaş ömrünün növbəti beş ilini dəmir barmaqlılar arxasında keçirəcək.

Qeyd edək ki, Farkaş ilk dəfə polis orqanları tərəfindən 2004-cü ildə saxlanılıb. Araşdırmalar nəticəsində onun böyük miqdarda narkotik maddələr saxladığı və yaydığı təsdiqlənib.