Bakı. Vüqar Xeyrullayev – APA-Sport. Beynəlxalq Atletika Federasiyaları İttifaqı (İAAF) 2008-ci ilin ən yaxşısı adına namizədlərin siyahısını açıqlayıb. “APA-Sport”un məlumatına görə, Pekin Olimpiadasında 100 və 200 metr məsafəyə qaçışda dünya rekordu müəyyənləşdirən yamaykalı Hüseyn Bolt bu ada layiq görülməyə ən şanslı idmançı sayılır. Dünyanın ən sürətli adamı ilə yanaşı, kubalı Dayron Robles (110 metr maneələri dəf etməklə) və həbəşistanlı Kenenisa Bekele (5 və 10 min metr) ilin atleti adına namizəddir. Qadınlarda isə Bekelenin həmyerlisi və eyni məsafəyə qaçmaqda ad çıxaran Tiruneş Dibaba və şüvüllə tullanmaqda rəqibi olmayan rusiyalı Yelena İsinbayeva siyahıda yer alıb.