Vahid Nəzərov nazirlə razılaşmır

“Bizim mütəxəssislər kimdən əskikdir ki?”

Bakı. Aqşin Əliyev - APA-Sport. “Milli komandaya baş məşqçi axtarışından, həmçinin Beynəlxalq Ağırlıqqaldırma Federasiyasının rəhbərliyinə müraciətdən mənim xəbərim yoxdur”. Bu sözləri “APA-Sport”a açıqlamasında Azərbaycan ağır atletika yığmasının baş məşqçisi Vahid Nəzərov deyib. O, milli komandaya əcnəbi mütəxəssis axtarılması ilə bağlı gənclər və idman naziri Azad Rəhimovun söylədiyi fikirlərlə tanış olmadığını bildirib.

Nəzərov vurğulayıb ki, yığmanın xarici məşqçiyə tapşırılması yaxşı hal olmaz: “Bizim mütəxəssislər kimdən əskikdir ki? Yerli məşqçilərin qazandıqları uğurlar göz qabağındadır. Biz ikiqat dünya çempionu, ikiqat Avropa çempionu, nüfuzlu beynəlxalq turnirlərini mükafatçılarını yetişdirmişik. İndiyədək əcnəbi mütəxəssislərin işi ilə hamı tanışdır. Karlos Alberto Torres, Rimas Kurtinaytis və digərləri ölkəmizdə heç nəyə nail olmayıblar”.

Yığmadakı işindən razı qalan Nəzərov gələcəkdə daha yüksək uğurlar qazanılacağını söyləyib: “Mən 1 il 4 aydır milli komandanın baş məşqçisi vəzifəsində çalışıram. Bu müddətdə bir sıra nailiyyətlər qazanmışıq. Hesab edirəm ki, federasiya rəhbərliyi düzgün yoldadır. Gələcək yarışlarda daha yaxşı çıxış edəcəyimizə və 2012-ci il London Olimpiadasından Vətənə medalla dönəcəyimizə inanıram”.
Digər xəbərlər
Bütün xəbərlər
PREMYER-LIQA

1.

Qarabağ 28 20 5 3 37-13 65

2.

Qəbələ

28 14 7 7 43-26 49

3.

Neftçi 28 14 4 10 39-28 46

4.

Zirə

28 12 8 8 36-30

44

5.

Sumqayıt

28

11 7 10 34-33 40

6

Keşlə 28 8 7 13 29-39 31

7.

Səbail

28

6 5 17 19-39 23

8.

Kəpəz

28 3 5 20 18-47 14
               

 

Top 10