Azərbaycan Güləş Federasiyasının idman işləri üzrə şöbə müdiri Saday İsmayılov və sərbəst güləş üzrə yeniyetmələrdən ibarət yığma komandanın məşqçisi Əsgərxan Novruzov FİLA-nın xətti ilə Türkiyənin İstanbul şəhərində keçirilən məşqçilik seminarında iştirak ediblər. Apasport.az saytının məlumatına görə, 50-dən artıq ölkə təmsilçisinin qatıldığı tədbirə FİLA prezidenti Rafael Martinetti şəxsən nəzarət edib. 5 günlük seminarın sonunda FİLA mütəxəssislərinin imtahanından uğurla keçən Saday İsmayılovla Əsgərxan Novruzov sərbəst güləş üzrə “Beynəlxalq dərəcəli məşqçi” kateqoriyasına layiq görülüblər