Azərbaycanın voleybol yığmasının lideri Natalya Məmmədovanın şərəfini qoruduğu “Türk Telekom” klubu baş məşqçisiz qalıb. Apasport.az saytının məlumatına görə, bu gün komandanın çalışdırıcısı Hüseyin Doğanyüz istefaya göndərilib.

Buna, mövsümün əvvəlində heyətini gücləndirən “Türk Telekom”un sabit çıxış edə bilməməsi səbəb olub. Klub rəhbərliyi artıq yeni baş məşqçi axtarışına başlayıb.

Qeyd edək ki, 24 yaşlı Məmmədova da Ankara klubuna mövsümün əvvəlində “Volero”dan (İsveçrə) keçib.