Dağıstanda Şaxrutdin Şamxalovun xatirəsinə həsr olunan beynəlxalq turnirə yekun vurulub. Apasport.az saytının məlumatına görə, Azərbaycan futbol yığması yarışda ikinci yeri tutub. Turnir paralel olaraq iki yaş qrupunda keçirilsə də, yığmamız yalnız 1990-92-ci il təvəllüdlülərin mübarizəsinə qatılıb. Yalnız Dağıstan yığmasından geri qalan təmsilçimiz gümüş mükafata sahib çıxıb. Komandanın qapıçısı Nurəddin Allahverdiyev isə həmyaşıdları arasında ən yaxşı qapıçı seçilib.