Hazırda vətəni Gürcüstanda olan “Neftçi” klubunun futbolçusu Georgi Adamiya Rəşad Sadıqovun İspaniyaya baxışa yollanmasına münasibət bildirib. Bu barədə apasport.az saytına açıqlama verən Adamiyanın fikrincə, Azərbaycan yığmasının kapitanı ümidləri doğrulda bilər: “O, Türkiyədə “Kayserispor” klubunda da çıxış edib. Yaxşı müdafiəçi olduğundan Avropa da çıxış etməyə layiqdir. Rəşadın İspaniyanın ortabab və aşağı divizion komandalarında möhkəmlənə biləcəyinə əminəm. Mən də belə şans əldə etməyi, elə Rəşadla birgə İspaniyaya getməyi çox istərdim. Bu ölkənin futbolunu bəyənirəm, “Barselona”nın pərəstişkarıyam. Ancaq təbii ki, Azərbaycanda oynayan futbolçunun İspaniyada “Barselona”, “Real” kimi güclü klublara keçidi real deyil”.