Rusiyanın paytaxtı Mosvada tələbələr arasında təşkil olunan taekvondo üzrə ilk Avropa çempionatına yekun vurulub. Apasport.az saytının məlumatına görə, yarışda Azərbaycan idmançıları da qüvvələrini sınayıblar. Çempionata qatılan 11 taekvondoçumuzdan 4-ü fəxri kürsüyə yüksəlməyi bacarıb.

Baş məşqçi Ələkbər İmaməliyevin yetirmələrindən ən yaxşı nəticəni Zahid Məmmədov göstərib. 58 kq çəki dərəcəsində döyüşən Zahid bütün rəqiblərini məğlub edərək, qızıl medala layiq görülüb. Bundan başqa, Sənan Əsədzadə (72 kq) gümüş, Samir Aydınovla (54 kq) Bayraməli Vəliyev (84 kq) isə bürünc medal qazanıb.

Yığmamız ümumi komanda hesabında 20 ölkə arasında 5-ci yeri tutub.