Yanvarın 17-də Rusiyanın Ryazan şəhərində start götürəcək yunan-Roma güləşi üzrə İvan Paddubni turnirində iştirak edəcək Azərbaycan yığmasının heyəti açıqlanıb. Gənclər və İdman Nazirliyinin mətbuat xidmətindən apasport.az saytına verilən məlumata görə, yarışda 8 pəhləvanımız çıxış edəcək.

Turnirə baş məşqçi Bəhram Mürvətovun rəhbərliyi altında Elçin Əliyev (55 kq), Hacıxan Mustafayev (60 kq), Rafiq Hüseynov (74 kq), Murtuza Tağıyev, Araz Həsənov (hər ikisi 84 kq), Denis Mişin (96 kq), Anton Botev və Cəlal Bahadurov (hər ikisi 120 kq) aparılacaqlar. Bundan başqa, Hicran Şərifov iki gün davam edəcək yarışda hakim funksiyasını yerinə yetirəcək.