Sabah Bakıda növbəti beynəlxalq turnir start götürəcək. Apasport.az saytının məlumatına görə, bu dəfə yeniyetmə sərbəst güləşçilər arasında idman ustası, 20 Yanvar şəhidi Müşfiq İsayevin xatirəsinə həsr olunmuş ənənəvi yarış başlayacaq. Turnirə Azərbaycan idmançıları ilə yanaşı, Rusiya, Özbəkistan, Finlandiya, İran və Gürcüstan idmançıları qatılacaq. On çəki dərəcəsi üzrə keçiriləcək yarış Bakı İdman Sarayında təşkil olunacaq.