Azərbaycanda ən elitar idman növlərindən sayılan qolfa olan maraq sürətlə artır. Apasport.az saytının məlumatına görə, iki il əvvələdək ölkəmiz üçün yad sayılan bu idman növündə kütləviləşmə başlayıb. Belə ki, Azərbaycan mini-qolf meydançaları idxal edən ölkələr sırasında ön sıralarda yer alıb. Belə meydanlar hazırlamaqla məşğul olan Türkiyənin “Mini Qolf-35” şirkətinin təsisçisi Özkan Türkan müştərilərini belə dəyərləndirib: “Daha çox Rusiya, Azərbaycan və Bolqarıstana meydan satmışıq. Bu ölkələrdən olan müştərilərimiz əsasən otel və məktəblərin, həmçinin istirahət mərkəzlərinin həyətində meydan qurulmasını sifariş edir”.