Bakının qadın voleybolçulardan ibarət “Rabitə” klubu sabah “Çelenc Kuboku” turnirinin 1/8 final mərhələsinin cavab görüşünə çıxacaq. Apasport.az saytının məlumatına görə, təmsilçimiz Almaniyanın “Drezdner” komandasını qəbul edəcək. Oyun Bakı vaxtı ilə saat 18:00-da Bakı İdman Sarayında başlanacaq.

Xatırladaq ki, yanvarın 14-də Almaniyada keçirilmiş qarşılaşmada “Rabitə” 1:3 hesabı ilə uduzub (22:25, 25:22, 22:25, 19:25). Voleybolçularımız almanları məğlub edəcəkləri təqdirdə, gələn ay 1/4 finalda “Albasete”ni (İspaniya) sınağa çəkəcəklər.