Sabah yeniyetmə və gənc güləşçilər arasında Azərbaycan birinciliyi start götürəcək. Bu haqda apasport.az saytına Azərbaycan Güləş Federasiyasının rəsmisi Mətləb Abdullayev məlumat verib.

Yarışda Bakının klub və cəmiyyətləri, eləcə də rayon komandaları mübarizə aparacaqlar. Bu gün pəhləvanlar tərəziyə çıxaraq, çəkilərini yoxlayacaqlar.

Bakı İdman Sarayında təşkil olunacaq ölkə birinciliyində öncə yeniyetmələr, ardından gənclər çıxış edəcəklər. Görüşlər hər gün səhər saat 9:00-da başlanacaq. Azərbaycan birinciliyi fevralın 20-də sona çatacaq.