Bu gün qadın voleybolçular arasında keçirilən “Çelenc kuboku” turnirinin 1/4 final mərhələsində cavab oyunları olacaq. Apasport.az saytının məlumatına görə, yarışda Azərbaycanın yeganə təmsilçisi “Rabitə”ni İspaniyada ciddi sınaq gözləyir. Bakı klubu Albasete şəhərində eyniadlı komandaya qarşı mübarizə aparacaq.

Oyunu fransalı Yanik Çaladay və slovakiyalı Frank Xrovat idarə edəcək. Görüş Bakı vaxtı ilə saat 00:00-da başlanacaq.

Qeyd edək ki, ilk matçda “Albasete” “Rabitə”yə 3:1 hesabı ilə qalib gəlib. Voleybolçularımız “Dördlər finalı”na yüksəlmək üçün bu məğlubiyyətin əvəzini çıxmalıdırlar.