Bu gün Milli Olimpiya Komitəsində Azərbaycanda atletikanın inkişafına dair strateji planın təqdimat mərasimi olub. Apasport.az saytının məlumatına görə, Böyük Britaniyanın İdman Şurası ilə birgə həyata keçiriləcək layihədə əsas məqsəd ölkəmizdə cinsindən, sosial statusundan asılı olmayaraq, bütün yaş qruplarında gənclərin atletika növündə iştirakını təmin etmək, həmçinin milli komandalara istedadlı idmançıları cəlb etməkdir.

Plan 2009-2012-ci illəri əhatə edir. Layihəyə əsasən, yaxın 3 il ərzində Gəncədə, Mingəçevirdə, Xaçmazda, Qax və Zaqatalada atletika mərkəzlərinin yaradılması nəzərdə tutulub.