İspaniya Futbol Federasiyası Azərbaycanla əməkdaşlıq edəcək. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, iki ölkə arasında futbolun inkişafı ilə bağlı son üç ayda aparılan danışıqların nəticəsi olaraq, birgə əməkdaşlığa dair memorandum imzalanacaq. Bu məqsədlə assosiasiyanın baş katibi Elxan Məmmədov və texniki direktor Bernhard Lippert martın 2-də İspaniyaya gedəcəklər. Nümayəndə heyətimiz İspaniya Futbol Federasiyasının prezidenti Anxel Vilyar Llona və baş katib Xorxe Peres Arias ilə işgüzar görüşlərində birgə əməkdaşlığın detallarını müzakirə edəcəklər. Görüşün sonunda memorandumun imzalanması nəzərdə tutulub.