Zaqatalanın "Simurq" klubunun futbolçusu Ramin Nəsibov Ukraynaya gedir. Apasport.az saytının məlumatına görə, komandasının aparıcı üzvlərindən biri olan 30 yaşlı hücumçu Ukraynada əməliyyat olunacaq. Gürcüstanda keçirilən təlim-məşq toplanışı çərçivəsində keçirilən son yoldaşlıq oyununda xəsarət alan Nəsibovun zədəsi gözlənildiyindən də ciddi olub. Belə ki, sol dizinin xaçvari bağları qırılan futbolçunun müalicəsi bir neçə ay davam edəcək. Bu da Ramin üçün cari mövsümün bitməsi deməkdir. “Simurq” rəhbərliyi Nəsibovun müalicə üçün onu klubun hesabına Ukraynaya, əməliyyat olunmağa yollamağı planlaşdırıb.