Nurullah Sağlamın istefasından sonra baş məşqçi axtarışlarını davam etdirən “Qaziantepspor” klubunun prezidenti İbrahim Kızıl iki mütəxəssisdən “yox” cavabı alıb. Apasport.az saytının məlumatına görə, komandanın rəhbəri rumıniyalı Georgi Hacı və hazırda Cənubi Koreyanın “Seul” klubunu çalışdıran Şenol Günəşə təklif göndərib.

Lakin hər iki mütəxəssis 1,2 milyon avroluq təklifdən imtina edib. Kızıl hazırda bir çox tanınmış mütəxəssislə maraqlanır. Onların arasında Rumıniya millisinin keçmiş üzvü Dan Petresku, almaniyalı Lotar Matteus, Braziliya millisini və “Fənərbağça”nı çalışdırmış Karlos Alberto Parreyra və İtaliyada “Udineze”, “Milan”, “İnter”, “Torino” kimi klublara başçılıq etmiş 55 yaşlı Alberto Zakkeroninin adları var.

Qeyd edək ki, “Qaziantepspor” hazırda 31 xalla Superliqada 9-cu yeri tutur.