Məşhur Hollivud ulduzu Miki Rurk yenidən evlənmək həvəsinə düşüb. Apasport.az saytının məlumatına görə, gəncliyində idmana bağlı olan 59 yaşlı aktyor həyatının qalan hissəsini idmançı ilə keçirmək fikrindədir.

Belə ki, Miki rusiyalı gözəlçə İrson Kudikovaya aşiq olub. Aktyor İrsona o dərəcədə vurulub ki, ona nigah bağlamağı təklif edib. Bir müddət əvvəl digər Hollivud ulduzu Dolf Lundqrenin sevgilisi olmuş Kudikova 2004-cü ildə “Fabrika zvyozd” müsabiqəsinə qatılmaqla məşhurlaşıb. Müğənni kimi ad çıxaran 27 yaşlı xanım Moskvanın Olimpiya Ehtiyatları Məktəbində təhsil alıb. Basketbol üzrə idman ustası adına qədər yüksələn İrson boksla da məşğul olub.