“Bütün dünya mənim pərəstişkarımdır. Lakin mənim də heyranı olduğum birisi var. Özü də türkdür”. Apasport.az saytının məlumatına görə, bu sözləri dünya idmanının canlı əfsanəsinə çevrilən, atletikanın şüvüllə tullanma növündə rekordları və medallarının sayını itirən Yelena İsinbayeva deyib.

Təkcə idmançı kimi deyil, həm də qadın kimi gözəlliyi ilə milyonları məftun edən rusiyalı öz ürəyini açıb: “Heyranı olduğum şəxsin adı Tarkandır. Onun həm rəqsini, həm də mahnılarını çox sevirəm. Sözlərini başa düşməsəm belə, musiqisi və rəqsi mənə zövq verir. Düzünü bilmək istəyirsinizsə deyə bilərəm: telefonum Tarkanın mahnıları ilə doludur. Ən böyük arzum da nə vaxtsa onunla tanış olmaqdır. 2012-ci ildə dünya çempionatı İstanbulda təşkil olunacaq. Tarkanın tribunada olduğunu bilsəm, çox xoşbəxt olaram və onunla tanışlığa can ataram”.