Dünyanın ən cazibədar futbolçu xanımı Helen Svedindir. Apasport.az saytının məlumatına görə, o, İtaliyanın “İnter” klubunun yarımmüdafiəçisi Luiş Fiqunun həyat yoldaşıdır.

32 yaşlı Helen modeldir. İsveçli gözəlçə Fiqu ilə 1996-cı ildə Barselonada tanış olub. Sonradan ailə həyatı quran cütlüyün 3 qızı var – 10 yaşlı Daniela, 7 yaşlı Martina və 5 yaşlı Stella.

İndi isə Svedin dördüncü uşağa hamilədir. Bu vaxta qədər 3 dəfə ana olmasına baxmayaraq, Helen formasını qoruyub, saxlaya bilib. Elə buna görə də skandinaviyalı xanım planetin ən cazibədar futbolçu xanımı sayılır.