İyunun 5-də Ukraynanın Lvov şəhərində yeniyetmə qızlar arasında güləş üzrə beynəlxalq turnir start götürəcək. Azərbaycan Güləş Federasiyasının mətbuat xidmətindən apasport.az saytına verilən məlumata görə, yarışda 6 pəhləvanımız qüvvəsini sınayacaq.

Lvovda döşək üzərinə Fatma Əhmədova, Patimat Baqomedova (hər ikisi 46 kq), Nigar Əhmədova, Kəmalə Əliyeva (hər ikisi 49 kq), Aydan Səfərli (52 kq) və Solmaz Həşimzadə (54 kq) çıxacaq.

Qızları yarışa məşqçi Arif Fərmanov hazırlayıb. Beynəlxalq turnirə iyunun 7-də yekun vurulacaq.