Qazaxıstanın Uralsk şəhərində keçirilən beynəlxalq boks turnirinə yekun vurulub. Azərbaycan Gənclər və İdman Nazirliyinin mətbuat xidmətindən apasport.az saytına verilən məlumata görə, yarışda mübarizə aparan milli komandamızın 2 üzvü fəxri kürsüyə yüksəlib.

Belə ki, Rəhim Nəcəfov (54 kq) və Emil Məhərrəmov (69 kq) bütün rəqiblərinə qalib gələrək, çempion tituluna yiyələniblər. Turnirdə Nəcəfov və Məhərrəmovdan başqa daha 8 boksçumuz döyüşüb.