Gürcüstanın paytaxtı Tiflisdə təşkil olunan gənc güləşçilərin Avropa çempionatında yunan-Roma növündə mübarizə başa çatıb. Apasport.az saytının məlumatına görə, Azərbaycan yığması qitə birinciliyinin son günündə 2 qızıl, 1 gümüş və 2 bürünc qazanmaqla, Rusiya və Türkiyədən sonra komandalar arasında üçüncü yeri tutub.

Güləşçilərimizdən Orxan Əhmədov (55 kq) və Həsən Əliyev (60 kq) qızıl, Murtuza Tağıyev (84 kq) gümüş, Xurşud Babaşovla (50 kq) Səbuhi Hümbətov isə bürünc medala sahib çıxıblar.

Sərbəst güləşçilərimiz iyulun 4-5-də döşək üzərinə çıxacaqlar.