“Beşiktaş” klubunun sabiq kapitanı Vedat Okyar vəfat edib. Apasport.az saytının Türkiyə mətbuatına istinadən məlumatına görə, xeyli vaxtdır xəstəxanaların birində müalicə olunan Okyar bu gün səhər dünyasını dəyişib.
1945-ci ildə Bursada anadan olan Vedat “Bursaspor”, “Beşiktaş”, “Diyarbakirspor” və “Karagümrük” klublarının şərəfini qoruyub.

1968-1976-cı illərdə “Beşiktaş”da forma geyinən və kapitan sarğısını daşıyan Okyar 253 oyunda 21 gol vurub. 33 dəfə milli komanda heyətində yer alan mərhum futbolçu karyerasını bitirdikdən sonra idman yazarı kimi çalışırdı.