Çempionlar Liqasının dördüncü təsnifat mərhələsinin ilk oyunlarına yekun vurulub. Apasport.az saytının məlumatına görə, birinci oyun günündə olduğu kimi, son 5 matç da qonaqların üstünlüyü şəraitində keçib. Bu qarşılaşmaların yalnız birində meydan sahibləri qalib gəliblər.

Yeganə ev qələbəsini “Lion” bacarıb. Fransa təmsilçisi ötən mərhələdə Türkiyə “Sivasspor”una 5 qol vuran “Anderlext”ə eyni aqibəti yaşadıb. Özü də fransızlar fasiləyədək 4 cavabsız top vura biliblər.

Digər oyunların hamısında isə qonaqlar sevinən tərəf olub. Azərbaycan çempionu “Bakı”nı mübarizədən kənarlaşdıran “Levski”nin gücü heç Macarıstan çempionuna da çatmayıb. Bolqarlar Sofiyada “Debretsen”ə boyun əyib.

Çempionlar Liqası, dördüncü təsnifat mərhələsi, ilk oyunlar
18 avqust

“Seltik” (Şotlandiya) – “Arsenal” (İngiltərə) - 0:2
Qallas, 43, Kolduell, 70-öz qapısına

“Politexnika” (Timişoara, Rumıniya) – “Ştutqart” (Almaniya) - 0:2
Gebxart, 28-pen., Qleb, 30

“Sportinq” (Portuqaliya) – “Fiorentina” (İtaliya) - 2:2
Vukçeviç, 58, Velozu, 66 - Varqas, 7, Cilardino, 78

“Şerif” (Moldova) – “Olimpiakos” (Yunanıstan) - 0:2
Dudu, 47, Mitroğlu, 81

“Kopenhagen” (Danimarka) - APOEL (Kipr) - 1:0
Pospex, 54


19 avqust

“Lion” (Fransa) - “Anderlext” (Belçika) - 5:1
Pyaniç, 10, L. Lopes, 16-pen, Bastos, 30, B. Qomis, 42, 63 - Suares, 58

“Panatinaikos” (Yunanıstan) - “Atletiko” (Madrid, İspaniya) - 2:3
Salpingidis, 47, Leto, 74 - Maksi, 37, Forlan, 63, Aquero, 70

“Levski” (Bolqarıstan) - “Debretsen” (Macarıstan) - 1:2
Bardon, 51 - Bodnar, 12, Tsvitkoviç, 76

“Zalsburq” (Avstriya) - “Makkabi” (Hayfa, İsrail) - 1:2
Tsikler, 57 – Qadir, 22, Arbaytman, 84

“Ventspils” (Latviya) - “Sürix” (İsveçrə) - 0:3
Fonlanten, 12, Eqerter, 55, Curiç, 75