“Qarabağ”la matçın asan keçməyəcəyi gün kimi aydındır”. Apasport.az saytının məlumatına görə, bu sözləri Hollandiyanın “Tvente” klubunun futbolçusu Brayan Ruis deyib.

Avropa Liqasının dördüncü təsnifat mərhələsinin bu gün keçiriləcək “Qarabağ”la oyunundan əvvəl cinah hücumçusu qol vurmaq iddiasını açıqlayıb: “Rəqibimiz qapalı oyun nümayiş etdirir. Mütəşəkkil qurulan komandanın arxa xəttini yarmaq çətin olur. Biz əsasən hücuma meylli oynayacağıq. Lakin müdafiəni də unutmaq fikrində deyilik. Dünən ad günüm idi. Bu gün isə “Qarabağ”la oyun. Qollarla özümə hədiyyə etsəydim, yaxşı olardı”.