Azərbaycanın qadın voleybolçulardan ibarət yığması Polşada keçirilən Avropa çempionatının final mərhələsindəki çıxışını başa vurub. Apasport.az saytının məlumatına görə, Faiq Qarayaevin yetirmələri pley-off mərhələsinin F qrupundakı son oyununda Almaniya ilə görüşüb. Çox zəif təsir bağışlayan yığmamız rüsvayçı hesabla uduzub - 0:3 (17:25, 13:25, 12:25). Hesabdan göründüyü kimi, bizimkilərin iki setdə qazandıqları xalı, almanların bir setdə əldə ediblər. Bununla da, milli komandamız 5 ardıcıl məğlubiyyətin ardından öz qrupunda sonuncu yeri tutub. Bundestim isə bu qələbə sayəsində yarımfinala vəsiqə qazanıb. Çexiya üzərində 3:0 hesablı inamlı qələbə qazanan Türkiyə yığması isə qrup üçüncüsü olub. Çempionat ərzində cəmi 1 set uduzan İtaliya bu dəfə də rəqibinə şans verməyib.

yer	komanda	o	q	m	Setlər	Toplar
1	İtaliya	5	5	0	15-0	379-290
2	Almaniya	5	4	1	12-7	431-359
3	Türkiyə	5	3	2	11-8	419-408
4	Serbiya	5	2	3	9-9	379-397
5	Çexiya	5	1	4	3-14	333-409
6	Azərbaycan	5	0	5	3-15	347-425

E qrupundakı son turun oyunları isə Rusiya yığmasının tarixində ikinci dəfə qitə birinciliyini medalsız tərk etməsini rəsmiləşdirib. Şimal qonşularımız qrup üçüncülüyü ilə kifayətlənib. Hollandiya və Polşa isə ən güclü 4 komanda sırasına daxil olub.

yer	komanda	o	q	m	Setlər	Toplar
1	Hollandiya	5	5	0	15-2	407-312
2	Polşa	5	4	1	12-8	449-424
3	Rusiya	5	3	2	12-9	465-428
4	Bolqarıstan	5	2	3	7-12	390-422
5	İspaniya	5	1	4	7-14	419-478
6	Belçika	5	0	5	7-15	423-489

Sabah keçiriləcək yarımfinal görüşlərində İtaliya Almaniyanı, Hollandiya isə Polşanı sınağa çəkəcək. Artıq digər komandaların yekun mövqeyi müəyyənləşib. Milli komandamız 2 il əvvəlki kimi, yenə 12-ci pillədə qərarlaşıb. Növbəti Avropa çempionatına seçmə oyunları keçirmədən vəsiqə verən 5-ci vəsiqəyə isə Türkiyə sahib çıxıb.

5-16-cı yerlərin yekun sıralaması

5	Türkiyə
6	Rusiya
7	Serbiya
8	Bolqarıstan
9	İspaniya
10	Çexiya
11	Belçika
12	Azərbaycan
13	Slovakiya
14	Fransa
15	Belarus
16	Xorvatiya