“Mən elə xoşbəxtəm ki... Düşünürəm ki, bu inanılmazdır”. Apasport.az saytının məlumatına görə, bunu qadın voleybolçulardan ibarət Almaniya milli komandasının üzvü Hayke Beyer deyib.

Avropa çempionatının pley-off mərhələsinin son turunda Azərbaycan yığmasını 3:0 hesabı ilə məğlub edən Bundestimin oyunçusu matçdan sonra fikirlərini açıqlayıb. 26 yaşlı ucaboy gözəlçə bizim voleybolçuları tərifləsə də, komandamızın çatışmazlığını da deyib: “Ən güclü 4 komanda sırasına düşməyimizə çox sevinirəm. Yarış ərəfəsində ən böyük arzum da elə bu idi. Azərbaycan yığmasının çox sayda yaxşı oyunçuları var. Lakin onlar bu gün komanda kimi oynamırdı. O ki qaldı yarımfinala, İtaliya ilə qarşılaşmanı heç kimə arzulamazdım”.