Qadın böyük qüvvədir. Yəqin ki, “Roma”nın italiyalı futbolçusu Françesko Totti bu ifadəni hər gün işlədir. Çünki onun xanımı 28 yaşlı İlari Blazi yarımmüdafiəçinin həyatında çox böyük rola malikdir. Təsadüfi deyil ki, futbolçunun qazandığı uğurlar məhz İlarinin adı ilə əlaqələndirilir. Bəs görəsən, bu gözəlin sirri nədir?

Bəlkə də Blazinin şəkillərinə baxdıqdan sonra bu suala cavab tapmaq olacaq. Sadəcə, onu qeyd edək ki, Totti aktrisa, eyni zamanda teleaparıcı olan cazibədar xanımı ilə 2005-ci ildə, oğlu Kristian dünyaya gəldikdən 3 ay sonra ailə qurub. İki il öncə isə onların Şanel adında qızları doğulub. İndi həm Françesko, həm də İlari özünü xoşbəxt sayır.