Qadın voleybolçulardan ibarət klublarımızın avrokuboklarda keçirəcəkləri ilk oyunların başlanma vaxtı müəyyənləşib. Apasport.az saytının məlumatına görə, ən aşağı reytinqə malik “Çağırış” kubokunda qüvvəsini sınayacaq “İqtisadçı”nın İstanbulda “Qalatasaray”la görüşü dekabrın 2-də baş tutacaq. Qarşılaşmanın start fiti yerli vaxtla saat 18:00-da (Bakı vaxtı ilə saat 20:00-da) çalınacaq. Həmin gün Bakı vaxtı ilə saat 21:00-da “Azərreyl”, bundan 1 saat sonra isə “Lokomotiv” meydana çıxacaq.

Kişi voleybolçuların avrokubok yarışında yeganə təmsilçimiz “Azərneft”in birinci görüşünün vaxtı hələlik dəqiqləşməyib. Bütün klublarımız cavab matçlarını 8-10 dekabr aralığında ölkəmizdə keçirəcəklər.

“Çağırış” kuboku, ikinci mərhələ
Qadınlar
2 dekabr, saat 20:00 “Qalatasaray” (Türkiyə) - “İqtisadçı”

2 dekabr, saat 22:00 RAANANA (İsrail) - “Lokomotiv”

Kişilər
2-3 dekabr “Foinikas” (Yunanıstan) - “Azərneft”

CEV kuboku, 1/16 final
Qadınlar
2 dekabr, saat 21:00 “SVS Post Şveşat” (Avstriya) - “Azərreyl”

1-3 dekabr “Qvardiya” (Polşa) - “Rabitə”

Qeyd: Oyunların başlanma vaxtı Bakı vaxtı ilə göstərilib