Naxçıvanın “Araz” komandası futzal üzrə UEFA kubokunun elit raunduna ən uğurla başlayan Avropa klubları sırasında yer alıb. Apasport.az saytının məlumatına görə, ilk turda Latviyanın “Nikars” klubunu darmadağın edən (7:1) naxçıvanlılar mərhələnin ən böyük hesablı qələbələrindən birinə imza atıblar. Qitənin ən güclü 16 komandasının iştirakı ilə keçirilən elit raundun ilk 8 matçında yalnız bir komanda daha inamlı təsir bağışlayıb. İspaniya “Mursiya”sı Gürcüstan çempionu “İberiya”nı daşını daş üstə qoymayıb - 12:0. “Luparense” (İtaliya) də “Araz” kimi, 6 top fərqi ilə qalib gəlib. Lakin italiyalılar Belçika “Şarlerua” komandası ilə görüşdə daha az qol vurub (6:0).

Qeyd edək ki, “Araz” oyunlarını Bakı İdman Sarayında keçirir. Təmsilçimiz növbəti turlarda bu gün “Atina-90” (Yunanıstan), sabah isə “Kayrat”la (Qazaxıstan) qarşılaşacaq.