“Xəzər-Lənkəran” klubu azarkeşlərinə müraciət edib. Apasport.az saytının məlumatına görə, cənub təmsilçisi çoxsaylı tərəfdarlarını, ilk növbədə paytaxtda yaşayanları bu gün, sabah və ertəsi gün qitə kuboklarında mübarizə aparacaq voleybol klublarımıza dəstək olmağa çağırır.

Bakı İdman Sarayında keçiriləcək oyunlara giriş pulsuz olacaq. Azərbaycan Voleybol Federasiyasının mətbuat xidmətinin rəhbəri Zöhrab Gözəlbəyli təşkilatlanmış azarkeş qruplarının arenaya daxil olmasına heç bir əngəlin törədilməyəcəyini bildirib. “Xəzər-Lənkəran” azarkeşinin ən güclü, ən yaxşı olduğunu göstərmək, idmanımızın növbəti uğurlarında pay sahibi olmaq üçün fanatlarını voleybola səsləyib.

Qeyd edək ki, “Azərneft” – “Foinikas” oyunu istisna olmaqla qalan görüşlər “Lider TV” ilə canlı yayımlanacaq.

8 dekabr, saat 18:00
CEV kuboku, 1/16 final
Qadınlar
“Azərreyl” - “SVS Post” (Avstriya)
İlk oyun - 3:2

9 dekabr, saat 16:00
“Çağırış” kuboku, ikinci mərhələ
Kişilər
“Azərneft” - “Foinikas” (Yunanıstan)
İlk oyun - 2:3

saat 18:30
“Çağırış” kuboku, ikinci mərhələ
Qadınlar
“Lokomotiv” - RAANANA (İsrail)
İlk oyun - 2:3

10 dekabr, 16:00
“Çağırış” kuboku, ikinci mərhələ
Qadınlar
“İqtisadçı” - “Qalatasaray” (Türkiyə)
İlk oyun - 0:3

saat 18:30
CEV kuboku, 1/16 final
Qadınlar
“Rabitə” - “İmpel Qvardiya” (Polşa)
İlk oyun - 3:1