Azərbaycanlı peşəkar boksçu Əli İsmayılovun Rusiyada keçirdiyi döyüşdə qan tökülüb. Apasport.az saytının məlumatına görə, həmvətənimiz WBO “Intercontinental” kəməri uğrunda döyüşdə rusiyalı Denis Lebedevə uduzub. Həmvətənimiz 6 raund döyüşə bilib. Lebedevin zərbələri nəticəsində Əlinin qaşı partlayıb, üz nahiyəsində çapıqlar əmələ gəlib. Bunu nəzərə alan İsmayılovun məşqçiləri onun 7-ci raunda çıxmasına imkan verməyiblər. Döyüşməkdən imtina edən 35 yaşlı təmsilçimiz texniki məğlubiyyət alıb.