İspaniya yığmasının mərkəz xəttinin lideri Xavi Ernandez dünya çempionatını buraxa bilər. Apasport.az saytının xəbərinə görə, futbolçunun qasıq nahiyyəsində yırtıq aşkar olunub.

“Barselona”nın çempionluğu üçün fədakarlıq edən 30 yaşlı futbolçu Primeronun ötən turu çərçivəsində “Vilyareal”la görüşdə 90 dəqiqə meydanda olub. Lakin həkimlər onun vəziyyətinin heç də ürəkaçan olmadığını bildiriblər.

Xatırladaq ki, İspaniya yığmasının hücumçusu Fernando Torres və yarımmüdafiəçisi Fransesk Fabreqas da hələ zədələrini sağalda bilməyiblər.