Voleybol üzrə qadınlar arasında Rusiya çempionatında final mərhələsinin üçüncü oyunu keçirilib. Apasport.az saytının məlumatına görə, Azərbaycan yığmasının kapitanı Oksana Parxomenkonun şərəfini qoruduğu Moskva “Dinamo”su bu matçda məğlubiyyətlə üzləşib. 2:0 hesabı ilə irəlidə olan paytaxt klubunun üçüncü görüşdə qələbə qazanaraq çempion olacağı gözlənilsə də, “Zariçye-Odinçova” buna imkan verməyib.

İlk iki qarşılaşmada rəqibinə çətin anlar yaşadan həmyerlimizin komandası oyuna bu dəfə də yaxşı başlayıb. Lakin birinci setdə qazanılan qələbənin davamı gəlməyib. Dalbadal 3 hissədə gözəl oyun nümayiş etdirən “Zariçye-Odinçova” qələbəsini bayram edib.

Bu görüşdən sonra hesab 2:1 “Dinamo”nun xeyrinədir.

Qeyd edək ki, 3 qələbəyə kimi davam edəcək final mərhələsində növbəti oyun bu gün keçiriləcək.