İspaniya yığmasının baş məşqçisi Visente del Boske DÇ-2010 üçün genişlənmiş heyəti açıqlayıb. Apasport.az saytının məlumatına görə, təcrübəli mütəxəssis siyahıya 30 futbolçunun adını daxil edib.

Siyahıya zədəli olan Sesk Fabreqasla Fernando Torres da daxildir. DÇ-2010-a 23 futbolçu aparmaq mümkün olduğu üçün Boske onlardan yeddisini kənarda qoyacaq.

Qapıçılar: İker Kasilyas (“Real”), David de Hea (“Atletiko”), Dieqo Lopes (“Vilyarreal”), Xosep Reyna (“Liverpul”, İngiltərə), Viktor Valdes (“Barselona”)

Müdafiəçilər: Raul Albiol, Alvaro Arbeloa, Serxio Ramos (hamısı “Real”), Sezar Aspilikueta (“Osasuna”), Yoan Kapdevilya (“Vilyarreal”), Karlos Marçena (“Valensiya”), Herard Pike, Karlos Puyol (hər ikisi “Barselona”)

Yarımmüdafiəçilər: Xabi Alonso (“Real”), Xavi Ernandes, Andreas İnyesta, Serxio Buskets (hamısı “Barselona”), Sesk Fabreqas (“Arsenal”, İngiltərə), Xavyer Martines (“Atletik”), Markos Senna (“Vilyarreal”), David Silva (“Valensiya”)

Hücumçular: Santi Kasorla (“Vilyarreal”), Xesus Navas (“Sevilya), David Vilya, Xuan Mata (hər ikisi “Valensiya”), Pedro Rodriges (“Barselona), Fernando Loryente (“Atletik”), Alvaro Neqredo (“Sevilya”), Fernando Torres (“Liverpul”), David Quiza (“Fənərbaxça”)