Türkiyə İsraildən şübhələnir: Bizi Avropa çempionatını keçirməkdən məhrum etdiniz
01.06.2010 - 11:31
Türkiyə və İsrail arasında münasibətlər futbol sahəsində də gərginləşib. Apasport.az saytının məlumatına görə, qardaş ölkənin futbol federasiyası (TFF) israilliləri onlardan qisas almaqda suçlayır.
TFF-in rəhbərliyi AÇ-2016-nın keçirilməsi yerinin taleyinin İsrail Futbol Federasiyasının prezidenti Avi Luzonun səsinin həll etdiyini istisna etmir. Məlum olduğu kimi, ötən cümə UEFA-nın İcraiyyə Komitəsinin (İK) iclasında keçirilən səsvermənin yekununda 2016-cı ildə qitə çempionatın final mərhələsinin Fransada keçiriləcəyi ilə bağlı qərar çıxarılıb. Buna namizəd olan Türkiyə (6 səs) Fransadan (7 səs) cəmi 1 səs geri qalıb. Türk həmkarlarımızın fikrincə, İFF-nin rəhbəri bu yolla siyasi hücumların əvəzini çıxıb. Luzonun özü bu şübhələri absurd sayır. O, İK-nın səsverməsinin gizli keçirilməsini əsas gətirib. Türkiyənin AÇ-2016-ya təşkilatçılıqda digər rəqibi İtaliya idi.
Qeyd edək ki, İsrailin Türkiyənin gəmilərinə hücum etməsi beynəlxalq qalmaqala səbəb olub. Nəticədə türklər İsrailə yoldaşlıq görüşü keçirməyə yollanan 18 yaşlılardan ibarət yığmasını geri çağırıb.
TFF-in rəhbərliyi AÇ-2016-nın keçirilməsi yerinin taleyinin İsrail Futbol Federasiyasının prezidenti Avi Luzonun səsinin həll etdiyini istisna etmir. Məlum olduğu kimi, ötən cümə UEFA-nın İcraiyyə Komitəsinin (İK) iclasında keçirilən səsvermənin yekununda 2016-cı ildə qitə çempionatın final mərhələsinin Fransada keçiriləcəyi ilə bağlı qərar çıxarılıb. Buna namizəd olan Türkiyə (6 səs) Fransadan (7 səs) cəmi 1 səs geri qalıb. Türk həmkarlarımızın fikrincə, İFF-nin rəhbəri bu yolla siyasi hücumların əvəzini çıxıb. Luzonun özü bu şübhələri absurd sayır. O, İK-nın səsverməsinin gizli keçirilməsini əsas gətirib. Türkiyənin AÇ-2016-ya təşkilatçılıqda digər rəqibi İtaliya idi.
Qeyd edək ki, İsrailin Türkiyənin gəmilərinə hücum etməsi beynəlxalq qalmaqala səbəb olub. Nəticədə türklər İsrailə yoldaşlıq görüşü keçirməyə yollanan 18 yaşlılardan ibarət yığmasını geri çağırıb.
0
0