Maltada keçirilən atletika üzrə komandalararası Avropa çempionatına yekun vurulub. Apasport.az saytının məlumatına görə, 29 atletlə təmsil olunduğumuz yarışda Azərbaycan yığma komandası 3 qızıl, 3 gümüş və 4 bürünc medal qazansa da, II diviziona yüksələ bilməyib. Yekunda 364 xal toplayan millimiz 15 ölkə arasında 6-cı olub. Komandamız ötən il III olan Ermənistan atletlərini qabaqlamaqla fəxr edə bilər.

Qeyd edək ki, Avropa çempionatına yekuna görə Danimarka (519 xal) və Bolqarıstan (508,5 xal) ilk iki pillədə qərarlaşdığından növbəti mövsümdə II divizionda mübarizə aparmaq hüququ qazanıblar.