Voleybol üzrə kişilər arasında “Çelenc Cup”ın ilkin təsnifat mərhələsində “Azərneft” hər iki oyununu Bakıda keçirəcək. Apasport.az saytının məlumatına görə, Serbiyanın “Partizan” komandasını sınağa çəkəcək Sabir Əliyevin yetirmələri görüşlərinə oktyabrın 16-da və 17-də çıxacaqlar.

Avropa Voleybol Konfederasiyasının (CEV) rəsmi icazəsində sonra ilk qarşılaşmanın tarixində də dəyişiklik edilib. Belə ki, qaydalara əsasən oyunlar arasında 24 saat fərq olmasını nəzərə alan “Azərneft” rəhbərliyi hər 2 qarşılaşmanı saat 13:30-da başlamağı qərara alıb. Görüşlər isə “Sərhədçi” Olimpiya İdman Mərkəzində baş tutacaq.