Milli komandamızın dünya çempionatının seçmə mərhələsində növbəti oyununu keçirəcəyi Şimali İrlandiya yığmasının ölkəmizə gələcəyi vaxt bəlli olub. Apasport.az saytının məlumatına görə, baş məşqçi Maykl O’Nilin yetirmələri bu gün saat 19:30-da Bakıda olacaq.

Adalılar paytaxtın “Hilton” otelində qərarlaşacaq. Rəqib çalışdırıcının oktyabrın 10-u adıçəkilən məkanın konfrans zalında jurnalistlərin suallarını cavablandıracağı gözlənilir.

Qeyd edək ki, millimizin Şimali İrlandiya ilə görüşü oktyabrın 11-də olacaq. “Bakcell Arena”da keçiriləcək görüş saat 21:00-da başlayacaq.