Şimali İrlandiya üzərində 2:0 hesablı qələbə qazanan Azərbaycan milli komandası seçmə mərhələlərdəki 3 xal həsrətinə son qoyub. Apasport.az saytının məlumatına görə, DÇ-2014-ün əvvəlki 8 oyununda qələbəyə həsrət qalan komandamız sonuncu dəfə 25 ay əvvəl sevinmişdi.

Berti Foqtsun yetirmələri AVRO-2012-nin seçmə oyununda Qazaxıstanı 3:2 hesabı ilə udmuşdu. Bu hadisə 2011-ci il sentyabrın 6-da baş vermişdi. 766 günlük həsrəti bitirən komandamız bu müddətdə 10 görüşü qələbəsiz tərk etmişdi.