Bu gün 21 yaşadək futbolçular arasında Avropa çempionatının seçmə oyunları keçirilir. Apasport.az saytının məlumatına görə, 8-ci qrupda mübarizə aparan Azərbaycan yığması Portuqaliya ilə görüşüb.

Norveçdəki 3:1 hesablı səfər qələbəsindən sonra 2-ci pilləyə yüksələn Bernard Lippertin yetirmələri lideri “Bayıl Arena”da məğlub edəcəkləri halda millimizi zirvəyə yüksələcəkdi.

Gəl ki, seçmə mərhələdəki ilk ev oyununda Makedoniya ilə qolsuz heç-heçə edən, ardıcıl 2 səfər matçından sonra doğma publika önünə çıxan yığmamız Portuqaliya ilə bacarmayb. Matç qonaqların 2:0 hesablı qələbəsi ilə başa çatıb.

Qeyd edək ki, günün digər oyununda Norveç İsraili qəbul edəcək. Bu qarşılaşma Bakı vaxtı ilə saat 20:00-da başlayacaq.

Avro-2015-in seçmə oyunu
8-ci qrup
15 oktyabr
Azərbaycan – Portuqaliya - 0:2
QOLLAR: Rafael Silva, 53; İvan Kavalyero, 64
Hakimlər: Anti Munukka, Matti Heyninen, Jan-Peter Aravirta, Mattias Gestranius (Finlandiya).
Bakı. “Bayıl arena” stadionu