Bu həftə başa çatan DÇ-2014-ün seçmə mərhələsində Azərbaycan milli komandasının şərəfini 27 futbolçu qoruyub. Apasport.az saytının məlumatına görə, almaniyalı baş məşqçi Berti Foqtsun güvəndiyi 27 oyunçudan heç biri bütün matçlarda iştirak etməyib.

Onlar arasında ən çox oyun keçirənlər 9 görüşdə meydana çıxıb. Mahir Şükürovla Kamran Ağayev bu 9 matçı əvəzolunmadan keçirib. Ruslan Abışov isə dəqiqə baxımından onlardan geri qalıb.

27 oyunçudan 25-i start heyətində yer ala bilib. Elhad Nəziri ilə Bədavi Hüseynova isə bu nəsib olmayıb. Ən çox oyun keçirən üçlük daim start heyətdə yer alanlardır.

Tsikldə millinin 3 kapitanı olub. Rəşad Sadıqov bu funksiyanı oynadığı 8 qarşılaşmada yerinə yetirin. Onun yoxluğunda Mahir Şükürovla Ruslan Abışov hərəyə 1 dəfə sarğı ilə matça başlayıb.

Komandamızın 6 qoluna 5 futbolçu imza atıb. 2 qol vuran Ru Abışov yığmanın bombardiri olub. Millinin oyunlarındakı yeganə penalti Kamran Ağayevin qol buraxması ilə nəticələnib.

Kamran Ağayev, Ruslan Abışov, Rasim Ramaldanov, Vüqar Nadirov və Vaqif Cavadov hərəyə 2 sarı vərəqə almaqla digərlərindən daha intizamsız olub. Onların hərəsi 1 qarşılaşmanı cəza üzündən buraxıb.

Maksim Medvedev, Rauf Əliyev və Branimir Subaşiç isə yığmamızın qırmızı vərəqə alan üzvləridir. Raud 2-ci sarı, digərləri isə birbaşa qırmızı vərəqəyə layiq görülüblər.

Seçmə mərhələdə 8 milliləşən futbolçu yığmamızda çıxış edib. Bunlar Almaniya türkləri Cihan Özkara, Əli Gökdəmir, onların həmyerliləri Rüfət Dadaşovla Pərdis Fərcad-Azad, ukraynalılar Vladimir Levinlə Aleksandr Çertoqanov və rusiyalı Bədavi Hüseynovdur. Onlar arasında hamıdan çox – 7 oyun Cihan keçirib.

Yığmanın ən yaşlı futbolçusu 1980-ci il təvəllüdlü Çertoqanov. ən gəncləri isə odan 12 il kiçik olan Araz Abdullayev, Elhad Nəziri və Qara Qarayevdir.

1	2	3	4	5	6	7	8	9	10
Kamran Ağayev	09.02.1986	q	9	9	0	810	-10 (1-0)	2	0
Mahir Şükürov	12.12.1982	m	9	9	1	810	1	1	0
Ruslan Abışov	10.10.1987	m	9	9	1	798	2	2	0
Rəşad Sadıqov	16.06.1982	m	8	8	8	720	0	1	0
Rauf Əliyev	12.02.1989	h	8	7	0	569	1	3 (2)	1
Rahid Əmirquliyev	01.09.1989	y/m	8	5	0	474	1	0	0
Maksim Medvedev	29.09.1989	m	7	7	0	613	0	1	1
Cihan Özkara	14.07.1991	h	7	4	0	390	0	0	0
Cavid Hüseynov	09.03.1988	y/m	7	3	0	344	0	1	0
Elnur Allahverdiyev	02.11.1983	m	6	6	0	540	0	1	0
Rasim Ramaldanov	24.01.1988	m	6	6	0	502	0	2	0
Vladimir Levin	23.01.1984	m	6	4	0	407	0	1	0
Vaqif Cavadov	25.05.1989	h	6	4	0	347	1	2	0
Əfran İsmayılov	08.10.1988	y/m	5	3	0	287	0	0	0
Vüqar Nadirov	15.06.1987	h	5	4	0	280	0	2	0
Rüfət Dadaşov	29.09.1991	h	4	4	0	352	1	0	0
Əli Gökdəmir	17.09.1991	h	4	4	0	301	0	0	0
Araz Abdullayev	18.04.1992	y/m	4	4	0	290	0	0	0
Branimir Subaşiç	07.04.1982	h	4	2	0	194	0	0	1
Qara Qarayev	12.10.1992	m	3	1	0	180	0	0	0
Aleksandr Çertoqanov	08.02.1980	y/m	3	2	0	161	0	0	0
Rəşad Sadiqov	08.10.1983	y/m	2	2	0	177	0	1	0
Pərdis Fərcad-Azad	12.04.1988	y/m	2	1	0	92	0	1	0
Elvin Məmmədov	18.07.1988	y/m	2	1	0	68	0	0	0
Bədavi Hüseynov	11.07.1991	m	2	0	0	28	0	0	0
Səlahət Ağayev	04.11.1991	q	1	1	0	90	-1	1	0
Elhad Nəziri	28.12.1992	m	1	0	0	19	0	0	0

1 – futbolçu. 2 – doğum tarixi, 3 – amplua, 4 – oyun, 5 – start heyətində, 6 – kapitan, 7 – dəqiqə, 8 – qol (penaltilər: dəqiq/qeyri dəqiq), 9 – sarı vərəqə (qırmızıya çevrilənlər), 10 – qırmızı vərəqə