Bu gün qadın voleybolçular arasında Azərbaycan Super Liqasında XII turun oyunları keçirilib. Apasport.az saytının məlumatına görə, günün ilk görüşündə autsayderlər – “Telekom”la “Lokomotiv” üz-üzə gəlib.

İlk 2 dövrədə hərəyə bir dəfə qələbə qazanan klubların duelində bu dəfə “dəmiryolçular” güclü olub. Son oyunlarda stabil çıxış etməyən “Lokomotiv” gənclərdən qurulan “Telekom”a “quru hesab”la qalib gəlib.

Turun digər matçında isə “Azərreyl” “İqtisadçı”nı sınağa çəkib. Görüşün favoriti olan “tələbələr” aktivlərinə növbəti 3 xalı 3 setlə əlavə ediblər. Aleksandr Çervyakovun yetirmələri çox çalışsalar da, ilk 2 dövrədəki oyununu göstərə bilməyərək, hissəyə belə həsrət qalıblar.

Beləliklə, XII turdan sonra turnir cədvəlində 2 dəyişiklik qeydə alınıb. “İqtisadçı” yenidən ikinci pilləyə yüksəldiyi halda, “Lokomotiv” “Azərreyl”i arxada qoyub.   

XII tur

12 mart
 

“Azərreyl” – “İqtisadçı” - 0:3  (20:25; 21:25: 21:25)

İlk oyun: “Azərreyl” - “İqtisadçı” - 2:3 (24:26; 25:21; 25:23, 20:25, 14:16)
İkinci oyun: “İqtisadçı” – “Azərreyl” - 3:1 (25:21; 23:25; 25:21; 25:17)
 

“Telekom” – “Lokomotiv” - 0:3  (16:25; 11:25; 21:25)

İlk oyun: “Telekom” - “Lokomotiv” - 3:2 (21:25; 25:11; 19:25; 26:24; 15:13)
İkinci oyun: “Lokomotiv” – “Telekom” - 3:1  (29:27; 30:28; 23:25; 25:21)

Qeyd edək ki, turun “Rabitə” – “Azəryol” matçı Bakıda olacaq Çempionlar Liqasının “Dördlər finalı” ilə bağlı aprelin 4-nə keçirilib.