“Yuri Syomin məni “Qəbələ”yə çağırmayıb. Məni Azərbaycanın başqa klubuna dəvət etmişdilər”. Apasport.az saytının məlumatına görə, bunu Ukrayna millisinin və Rusiyanın “Anji” klubunun futbolçusu Aleksandr Əliyev deyib.

Lakin 29 yaşlı yarımmüdafiəçi dəvət aldığı klubun adını açıqlamayıb. O, hazırda “Qəbələ”nin baş məşqçi postunu tutan Yuri Syominə uğurlar arzulayıb. Əliyevin fikrincə, “Qəbələ” çox maraqlı layihədir.  

Qeyd edək ki, Aleksandr Əliyev 2010 – 2012-ci illərdə Moskva “Lokomotiv”i və Kiyev “Dinamo”sunda Yuri Syominin rəhbərliyi altında oynayıb.