“Beşiktaş” – “Fənərbağça” matçından sonra gecə klubuna əylənməyə gedən futbolçu burada naməlum şəxsin odlu silahdan açdığı atəşlə kürəyindən yaralanıb. G. Törə dərhal xəstəxanaya aparılıb və əməliyyat olunub. Onun həyatına təhlükə olmadığı bildirilir. Hadisə zamanı daha 4 nəfər yaralanıb.

“Beşiktaş” klubu faktı təsdiqləyib. Klub bir qədər sonra olayla bağlı rəsmi açıqlama yayacaq.