Futzal üzrə UEFA kubokunun bugünkü yarımfinal oyunu “Araz”ın baş məşqçisi Joze Alesio üçün əlamətdar olacaq. Apasport.az saytının məlumatına görə, braziliyalı mütəxəssis Naxçıvan təmsilçisini yubiley – 30-cü avrokubok matçına çıxaracaq.

İspaniya “Barselona”sı ilə görüşəcək Alesio 29 qarşılaşmada Azərbaycan çempionuna başçılıq edib. UEFA kubokundakı matçlardan 17-də qalib gələn “Araz” 6 heç-heçəyə nail olub və eyni sayda yenilgi alıb. Alesio 113 qolun sevincini yaşayıbsa, 69 dəfə yetirmələri onu məyus edib.

Qeyd edək ki, braziliyalı 2009/10 mövsümündə avrokuboklarda “Araz”ın baş məşqçisi kimi debüt edib.